Топ новости
Журналистер Денсаулық сақтау министрлігі басшысы бұған дейін жаңа уақыт белдеуінің халық денсаулығына оң әсер ететінін мәлімдегенін еске салды. Дегенмен, қазақстандықтар қазір психологиялық және физикалық күйзеліске байланысты тиісті петицияға белсенді түрде қол қоюда. Олар Қазақстандағы ескі сағат белдеуін қайтару керек пе деген сұраққа жауап беруді сұрады.
"Негізі, сағат белдеуі мәселесі бірнеше жылдан бері талқыланып келеді.Бұл жұмысқа еліміздің ғылыми орталықтары жұмылдырылды. Мысалы, физиология институты, Ф.Г.Фесенков атындағы астрофизика институты тартылған. Сондықтан бұл шешім ғылыми деректерге сүйене отырып қабылданды. Екіншіден, біз уақыт белдеуін өзгерткеннен кейін емханалар мен ауруханаларға пациенттердің айтарлықтай ағынын байқамадық.Бүгінгі күнге дейін (сағ белдеуінің өзгеруі – Ред.) денсаулыққа кері әсер еткен жоқ деуге негіз бар. Мен бұл жерде халықтың денсаулығына қатысты мәселе көріп тұрған жоқпын", — деді Денсаулық сақтау министрлігінің басшысы Ақмарал Әлназарова.
2024 жылдың 1 наурызында сағат 00:00-де бүкіл Қазақстан бойынша бірыңғай уақыт белдеуі (UTC+5) белгіленді.
5 маусымда ҚР Премьер-Министрінің орынбасары Серік Жұманғарин бұрынғы уақыт белдеуін қайтару туралы өтінішті қашан қарауға болатынын айтты.
Сурет: Zakon.kz
