2027 елда Казан – Чаллы маршрутын саклап калырга һәм арадаш тукталышлар санын арттыру исәбенә аны киңәйтергә планлаштыралар.

Пассажирларны йөртү күләме буенча Казан – Чаллы – Казан юнәлеше компания маршрутлары арасында абсолют лидер булды: аннан 1 764 пассажир файдаланган. «Флот РТ» компаниясендә билгеләп үткәнчә, агымдагы навигациядә компаниянең яңа тиз йөрешле юнәлешләре иң югары йөкләнеш күрсәткән.

Маршрутларның аерым участокларын исәпкә алсак, иң күп соралганнар рәтенә Казан – Чистай – Казан, Казан – Кама Тамагы – Казан, шулай ук муниципальара Чаллы – Алабуга – Чаллы линияләре керде.

Хәзерге вакытта маршрутны озайту турында сөйләшүләр алып барыла. Аның яңа соңгы тукталыш пункты Менделеевск булырга мөмкин дип планлаштырыла.

2027 елгы навигациягә «Флот РТ» үз флотын «Парма» исемле ике яңа һава мендәрле судно белән тулыландырырга исәп тота.

Шул ук вакытта компания тагын ике судноны – тиз йөрешле «Восход-74» һәм «Московский-14» теплоходын торгыза. Аларны да 2027 елгы навигациядә файдалануга тапшыру планлаштырыла.

Яңа һәм торгызылган судноларның һәркайсы, аларның техник характеристикаларын һәм флот бурычларын исәпкә алып, аерым юнәлешләрдә кулланылачак.

Сүз уңаеннан, хәзерге вакытта Татарстанда «Туристлык һәм кунакчыллык» илкүләм проекты проекты гамәлгә ашырыла.