Торак төзелеше программасын гамәлгә ашыру, гражданнарның аерым категорияләрен торак белән тәэмин итү, социаль-мәдәни өлкә объектларын, җәмәнать киңлекләрен төзү һәм инженерлык инфраструктурасын модернизацияләү буенча контрактация барышы һәм эшләрнең башлануы турында Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан рәисе Рөстәм Миңнеханов үткәрде. Анда ТР Премьер-министры Алексей Песошин һәм ТР Дәүләт Советы Рәисе вазыйфаларын башкаручы Марат Әхмәтов катнашты.

Республикада торак тапшыру планы 38%ка үтәлгән — 1 млн 194 мең квадрат метрдан артык. Коммерциячел төзелеш линиясе буенча планлаштырылган күләмнең 40%ы тапшырылган — бу гомуми мәйданы 417 мең кв. метр тирәсе булган 52 күп фатирлы йорт. Социаль ипотека программасы буенча еллык план 33%ка үтәлгән: 108 йортның гомуми мәйданы 49 мең кв. метрдан артыграк булган 9ы төзелеп беткән. Шәхси торак төзелеше линиясе буенча 728 мең кв. метр торак тапшырылган, планнан — 37%.

Гражданнарның аерым категорияләрен торак белән тәэмин итү программалары гадәттәгечә дүрт категорияне үз эченә ала. Быел ятим балалар арасыннан булган затларны торак белән тәэмин итү максатларында 51 күп фатирлы йортта 641 торак урын алу каралган. 5 һәм аннан да күбрәк баласы булган гаиләләр арасында 21 фатир алучы бар. Бүгенге көнгә 18 сертификат рәсмиләштерелгән. «Яшь гаиләләр» категориясе — 61 торак алучы, алар буенча Яшьләр эшләре министрлыгы тарафыннан 43 муниципалитет белән «Электрон бюджет» системасында килешү төзелгән. Бүгенге көндә яшь гаиләләргә барлык таныклыклар тапшырылган, муниципаль берәмлекләр башкарма комитетларының шәхси счетларына акча күчерү эше алып барыла. Мәҗбүри күченеп килүчеләр, Ерак Төньяктан күченеп килүчеләр һәм чернобыльчеләр — бу категориягә агымдагы елда 3 кеше керә. Бүгенге көнгә бер сертификат рәсмиләштерелгән.

Социаль объектлар төзү, җәмәгать киңлекләрен төзекләндерү һәм инженерлык инфраструктурасын модернизацияләү программаларын гамәлгә ашыру турында. Торак төзелешенә ярдәм итүгә юнәлдерелгән республика программасы буенча хәзерге вакытта объектлар исемлеге формалаштырылган һәм раслануда.

«Мәгариф» тармагы буенча быел 7 гомуми белем бирү оешмасы гамәлгә ашырылачак. Контрактлар 6 мәктәп буенча төзелгән, калган бер объект — Казандагы мәктәп буенча контрактны апрель азагына кадәр төзү планлаштырыла. Эшләр 26%ка үтәлгән. 6 объектта эшләр бара. Быелгы белем бирү объектлары исемлегендә 3 балалар бакчасы бар. Бүгенге көндә төзелеш-монтаж эшләре 35%ка үтәлгән.

«Сәламәтлек саклау» тармагына керә торган стационарның кабул итү-диагностика бүлеген төзү эшләре планлаштырылган эш күләменең 29%ын тәшкил итә.

Спорт министрлыгы белән берлектә 14 объект төзелеше буенча программа чаралары гамәлгә ашырыла. Универсаль спорт мәйданчыклары һәм ябык футбол манежлары төзелеше буенча үтәлеш бүгенгә карата 5% тәшкил итә. 4 объектта эшләр дәвам итә.

Зур спорт объекты — Футболны үстерү үзәге төзелеше буенча үтәлеш 62% тәшкил итә. Барлык өч боз аренасы да подрядчыларда шулай ук эшләнә. Бүгенге көнгә үтәлеш 5% тәшкил итә.

«Мәдәният» тармагы буенча агымдагы елда 7 объект гамәлгә ашырыла. Бу 3 күп функцияле үзәк төзелеше, аларның үтәлеше 44% тәшкил итә. «Гаилә» илкүләм проекты кысаларында гамәлгә ашырыла торган 4 балалар сәнгать мәктәбе төзелеше 7%ка башкарылган.

Экология өлкәсендә быел Казанда ләм кырларын рекультивацияләү дәвам итә. Биредә гомуми эш күләменең 93%ы башкарылган.

Яшьләр сәясәте тармагы буенча агымдагы елда 7 объект гамәлгә ашырыла. Балаларны савыктыру лагерьларын төзү эшләре планлаштырылган күләмнең 19%ы үтәлгән. 5 объектта эшләр бара.

Агымдагы елда тагын 27 социаль инфраструктура объекты 2 республика программасы буенча төзелә. Башкарма комитетлар төзелеше буенча эшләр 25%ка үтәлгән. 19 объектта эшләр дәвам итә. Халыкка комплекслы хезмәт күрсәтү пунктлары төзелеше буенча үтәлеш 20% тәшкил итә. Эшләр 5 объектта алып барыла. Быел 51 җәмәгатькиңлеген төзекләндерү планлаштырылган. Дәүләт контрактлары «Уңайлы шәһәр мохитен булдыру» федераль проекты һәм уңайлы шәһәр мохитен булдыруның иң яхшы проектларының 10 Бөтенроссия конкурсы кысаларында гамәлгә ашырыла торган объектлар буенча төзелгән. Калган объектлар буенча контрактация 23 мартка планлаштырылган. Федераль өлеш буенча 42 төзекләндерү объектының берсе Зеленодольск районында эшләр башланган.

Республиканың инженерлык инфраструктурасы быел 8 федераль һәм республика программалары кысаларында модернизацияләнә. Чистарту корылмаларын модернизацияләү һәм казаннарны алмаштыру буенча республика программалары объектлары буенча контрактлар төзелгән. Март ахырына кадәр урамнарны яктыртуны торгызу программасы буенча, апрель ахырына кадәр газ куллану челтәрләрен реконструкцияләү һәм капиталь ремонтлау, халыкны эчәр сулар белән тәэмин итү программалары буенча контракт төзү планлаштырылган. Торак-коммуналь хуҗалык объектларын модернизацияләүнең республика программасы объектлары исемлеге төзелгән, Татарстан Республикасы Министрлар Кабинеты күрсәтмәсе проекты ведомствоара килештерүдә тора.

Федераль өлеш буенча ике программаны гамәлгә ашыру планлаштырыла. Болар — «Авыл территорияләренең хәзерге йөзе» федераль проекты кысаларында гамәлгә ашырыла торган инженерлык инфраструктурасының 9 объекты. 8 объект буенча контракт төзелгән, калган бер объект буенча контракт төзү агымдагы ай ахырына кадәр планлаштырыла. Тагын 17 инженерлык инфраструктурасы объекты коммуналь инфраструктура системаларын модернизацияләү программасы кысаларында гамәлгә ашырыла. Программа буенча үтәлеш 10% тәшкил итә. 13 объектта эшләр бара.

«Авыл территорияләренең хәзерге йөзе» федераль проекты кысаларында гамәлгә ашырыла торган объектлар буенча эшләр планлаштырылган күләмнең 2%ы башкарылган. Кукмара районында бер объектта эшләр алып барыла.

Соңгы ике атна эчендә бәхетсезлек очрагы теркәлгән — төзүче Казандагы төзелеш мәйданчыгында биеклектән егылып төшкән. Хезмәтне саклау кагыйдәләрен һәм нормаларын бозуга юл куймау максатыннан үзлегеннән җайга салынучы оешмалар һәм контроль-күзәтчелек органнары төзелеш мәйданчыкларын даими нигездә тикшерәләр. Агымдагы ел башыннан үзлегеннән җайга салынучы оешмалар 597 тикшерү уздырган, шул исәптән 327се төзелеш объектларына барып. Тәртип бозучыларга карата дисциплинар йогынты чаралары 264 тапкыр кулланылган.

Дәүләт төзелеше күзәтчелеге инспекциясе тарафыннан 264 тикшерү оештырылган, аларның нәтиҗәләре буенча административ җаваплылык турында 135 карар чыгарылган. Баш инвестиция-төзелеш идарәсе белгечләре ел башыннан бирле 437 тикшерү уздырган. Гомумән алганда, алар тарафыннан 924 хокук бозу очрагы ачыкланган, шуларның 770е төзәтелгән.