Һиндстанның Химачал-Прадеш штатындагы Чамба округында пассажирлар автобусы юлдан чыгып, якынча 30 метр биеклектән түбәндәге юлга төшкән. Юл-транспорт һәлакәтендә җиде кеше һәлак булган, тагын 11 кеше җәрәхәтләнгән.

Һиндстан мәгълүмат чаралары хәбәр иткәнчә, авария шимбә иртәсендә булган. Автобус салонында 15тән артык кеше булган.

Зыян күрүчеләрне хастаханәгә озатканнар. Җирле хакимиятләр һәлакәтнең сәбәпләрен һәм барлык шартларын ачыклау өчен тикшерү башлаган.