Мөфтияттә искә төшергәнчә, «май башыннан (Казан өчен 5 майдан) август башына кадәр, төбәкнең географик үзенчәлекләре аркасында, кояш баешының ак сарысы иртәнге таң аклыгы белән кушыла – ягъни төн буе горизонтта аклык югалмый һәм, димәк, кичке (ястү) намаз вакыты керми, ә иртәнге намаз вакытын күз белән билгеләп булмый».

Нәтиҗәдә, бу чорда кичке намазның башлану вакыты шартлы рәвештә кояш баеганнан соң бер ярым сәгатьтән соң, ә «Сәхәр»не тәмамлау һәм иртәнге намазның башлану вакыты – кояш чыгарга ике сәгать кала дип кабул ителә.

Әмма хәзер Татарстанда кичке һәм иртәнге намазларны уку вакыты гадәти күрсәткечләргә кайта башлый. Үзгәрешләр республиканың көньяк районнарыннан башланачак. Шул ук вакытта кичке намаз вакыты соңрак керәчәк, ә иртәнге – иртәрәк.

Казанга үзгәрешләр 8 августта кагылачак. Бу көнне башкалада кичке намаз 22:06 да башланачак, ә 9 августта иртәнге намаз – 00:19 да. Чагыштыру өчен: бүген, 31 июльдә, кичке намаз вакыты 21:23 тә керә, ә 1 августта иртәнге намаз – 2:18 дә.

2026 елның тулы намаз вакытлары графигы мөфтият сайтында урнаштырылган.

Татар-информ