Сирәк исемнәр арасында кыз балага кушылган Шадэ исеме дә бар.

Казан ЗАГСы мәгълүматларына караганда, әлеге атнада кызларга Марфа, Ясна, Шадэ, Амиля, Сара, Просинья, Эмма, Алиана һәм Рубина кебек исемнәр дә бирелгән.

Малайлар арасында сирәк исемнәр исемлегенә Айваз, Серафим, Кир, Всеволод, Михаилим, Михаил Гавриил, Габриэль, Эльдар, Яромир, Антип, Иса, Закир һәм Илхан кергән.

Шул ук вакытта Казанда малайлар арасында иң популяр исемнәр Марк, Аяз, Кәрим, Максим, Әмир, Арслан, Эмиль, Мирон, Илья һәм Тимур булган.

Кыз балаларга исә ата-аналар иң еш Асель, Ясминә, Дарья, Сылу, Айя, Азалия, Айза, Ева, Таисия, Амелия, Рианна һәм Мира исемнәрен сайлаган.