Бу хакта Татарстан Хөкүмәт Йортында узган брифингта Татарстан мәдәният министры Ирада Әюпова әйтте.

"17 июньдә ЦУМга — 9 меңнән артык кеше, 18 июньдә – 8 меңнән артык кеше килде. Бирегә максатчан килүчеләрнең гомуми саны дүрт көндә 1,3 меңгә якын кеше тәшкил итте. Болар — республиканың икътисадый һәм мәдәни мөмкинлекләре күргәзмәсен караучылар", — диде ул.

Россия – АСЕАН саммиты көннәрендә Уникаль осталык үзәгендә Татарстан казанышлары күргәзмәсе ачылды, шулай ук мастер-класслар узды, дип искәртте министр. "Мастер-класслар делегация вәкилләренең тормыш иптәшләрендә зур кызыксыну уятты. Алар татар халкының милли ризыкларын әзерләп карады. Безнең милли брендлар кунакларда зур кызыксыну уятты", — диде Ирада Әюпова.